Bu ölkədə evində isti geyinənlərə bonus veriləcək

Tarix: 2 Noyabr 2022 17:34

Yaponiya hökuməti ev təsərrüfatlarından və təşkilatlardan qış mövsümündə elektrik enerjisinə qənaət etmələrini istəyib.

Sonxeber.net oxu.az-a istinadən xəbər verir ki, yaponlardan göstərilən müddət ərzində bütün lazımsız elektrik cihazlarını və işıqlandırmanı söndürmələri, həmçinin evdə isitmə temperaturunu azaltmaq üçün isti paltar geyinmələri xahiş olunub.

Qeyd edək ki, Yaponiyada isitmə üçün əsasən məişət kondisionerlərindən istifadə olunur.

Sakinlərin qənaətə təşviq etmək üçün həvəsləndirici tədbirlər də nəzərdə tutulub. Belə ki, 2021-ci ilin qışı ilə müqayisədə elektrik enerjisi istehlakını 3% azalda bilənlər bonus alacaqlar.

Qənaət xahişi 1 dekabr 2022-ci il tarixindən 31 mart 2023-cü il tarixinədək etibarlı olacaq. Bununla belə, bu istək icbari xarakter daşımır.