Putin və Əliyevə bunu hədiyyə etdim - Lukaşenko

Tarix: 5 Noyabr 2022 21:15

Belarus Prezidenti Aleksandr Lukaşenko rusiyalı həmkarı Vladimir Putin və Azərbaycan lideri İlham Əliyevə qara kürü verməsindən danışıb.

Sonxeber.net axar.az-a istinadən bildirir ki, bu barədə məlumatı hakim dairəyə yaxın Teleqram kanalı yayıb.

"Bir müddət əvvəl Minsk yaxınlığında hovuzlarda nərə balığı yetişdirildiyini və ondan qara kürü alındığını gördüm. Onlardan alırdım, kiməsə bir banka suvenir kimi hədiyyə edirdim. Və hamı təəccüblənirdi. Mən xüsusi olaraq İlham Əliyevə və Putinə bundan hədiyyə etdim", - Lukaşenko deyib.

Belarus lideri bildirib ki, Kremldə belə kürü yoxdur və o, Putinə bunu sınamağı təklif edib.

Lukaşenkonun sözlərinə görə, Putin Belarusun belə məhsul istehsal edə biləcəyinə təəccüblənib.