40 gün ardarda bütöv toyuq yedi və məşhurlaşdı

Tarix: 10 Noyabr 2022 20:12

Amerikanın Pensilvaniya ştatının Filadelfiya şəhərinin 31 yaşlı sakini Aleksandr Tominskiy 40 gün dalbadal nifrət etdiyi, yalnız manqalda hazırlanan qril toyuq yeyib və məşhurlaşıb.

Sonxeber.net bildirir ki, bu barədə "Billy Penn" məlumat verib.

Həmin şəxs sentyabrın 28-də özünə meydan oxuyub. Tominskiy mərcdə uduzmadığını və ondan pul qazanmaq niyyətində olmadığını iddia edib. Onun yalnız bir mövqeyi olub: bütün dünya əziyyət çəkir, ona görə də başqalarını güldürmək üçün o da əziyyət çəkməlidir. Tominskiy sevmədiyi toyuqdan başqa heç nə yeməyib və mütəmadi olaraq sosial şəbəkədə yeməyi ilə bağlı hekayələr paylaşaraq yüz minlərlə istifadəçinin diqqətini çəkib.

Daha çox əziyyət çəkmək üçün o, hər dəfə ədviyyatsız bişirilmiş 0,9 kiloqram ağırlığında toyuq seçməyə çalışıb. Əvvəlcə adam sakitcə 20 dəqiqə ərzində bütün qızardılmış toyuq yeyib və özünü əla hiss edib. Ancaq bir neçə həftədən sonra o, sancı və şişkinlikdən şikayət etməyə başlayıb. 40 günlük sınaq müddətinin sonunda o, artıq iki saatdan çox yemək yeyib. Nəticədə Tominskiy qızardılmış toyuğa nifrət etməyə başlayıb.

Təcrübənin son günündə o, şəhər camaatı üçün tamaşa nümayiş etdirmək qərarına gəlib. Həmin şəxs sosial şəbəkədə elan yerləşdirərək amerikalıları ona qoşulmağa çağırıb. İzdiham toplanıb: orada olanlar Tominskini alqışlayıblar və ruhlandırıcı sözlər söyləyiblər, o isə əti çeynəyib və vaxtaşırı onun həzm edilməsi üçün su içib. Bir saat sonra o, bütöv bir toyuq yeyib və sakinlərin sürəkli alqışları altında masadan qalxıb.

Tədbirdən sonra Tominskiy özünü "həqiqətən iyrənc" hiss edib, lakin bir daha toyuq əti yeməyəcəyinə görə hədsiz sevinib. 40 gündə o, altı kiloqramdan çox arıqlayıb və artıq bu təcrübəni təkrarlamağı planlaşdırmır. "Qəribə səslənəcək, amma hətta ölsəydim, bunu davam edəcəkdim", - o deyib.

İrfan Vəliyev