Alimlər pivədə beyinə faydalı maddə tapıb

Tarix: 24 Noyabr 2022 22:48

Alimlər yeni tədqiqatlarında pivənin Alsgeymerə aparıb çıxaran prosesləri əngəlləyə biləcəyi qənaətinə gəlib.

"Medicina" xəbər verir ki, baxmayaraq ki, alkoqol istənilən tip demensiyanın risk faktorudur, amma arada bir qədəh pivə içənlərin beynində yaşlanma ilə bağlı deqradasiya az baş verir.

Pivədə Alsgeymerə qarşı çıxa biləcək maddə - əsas inqridiyenti olan xmel hesab olunur.
Bu maddə pivəyə spesifik dad verir.

Məhz xmel beyində zülal topalarının əmələ gəlməsinin qarşısını alır.
Alsgeymer xəstəliyində beta amiloidlər bir-birinə yapışaraq topalar əmələ gətirir.

Onlar sinir neyronları arasında yığılaraq onların ötürücülüyünü pozur.

Alimlər laboratoriya şəraitində pivə istehsalında geniş istifadə olunan 4 sort xmelin amiloid zülallarına təsirini araşdırıb.
Xmelin təsirindən neyron şəbəkə arası zülallardan təmizlənib.

Bununla da xmelin neyrodegenerativ xəstəlikləri azaltmaq üçün əsas məhsul ola biləcəyini demək olar.