O qədər gec tutdular ki, törətdiyi cinayəti də unudub

Tarix: 14 Dekabr 2022 19:34

Hindistanda 49 il sonra tutulan yaşlı cinayətkar uzun müddət əvvəl qətl törətdiyini unudub.

Sonxeber.net bildirir ki, bu barədə "Asia One" xəbər verib.

1973-cü ildə Sitaram Bhatane Hindistanın Qucarat əyalətindən olan 70 yaşlı Mani Şuklanı qarət edərək öldürüb. O vaxtdan bəri polis onu tapmağa çalışıb. Hər il hüquq-mühafizə orqanlarının əməkdaşları onun harada olduğunu bilənlərin olub-olmadığını öyrənmək üçün onun yaşadığı ünvana gəlib, hər dəfə də bir şey öyrənmədən geri qayıdıblar.

2022-ci ilin oktyabrında cinayətkarın yaşadığı kənd sakinləri Bhatanenın geri qayıtdığını bildiriblər. Onun Hindistanın şimalına səyahət etdiyi deyilib. Qatilin ailəsi yox idi və o, xırda oğurluq və lirik mahnılar oxumaqla pul qazanıb.

76 yaşlı kar və axsaq Bhatane həbs edilib. Cinayətkar heç kimi öldürmədiyini iddia edərək ona qarşı irəli sürülən ittihamlara təəccüblənib. "Mən özüm olanları çətinliklə xatırlayıram, 50 ildən sonra siz bunu niyə araşdırırsız?", - o, polisdən soruşub.

Kişi cinayəti törətdiyi evi də, davanı da xatırlayıb, lakin təxminən yarım əsr əvvəl yaşlı qadını öldürdüyünə inanmaqdan imtina edib. Polis bildirib ki, Bhatane cəzalandırılacaq, bundan sonra o, ömrünün qalan hissəsini dəmir barmaqlıqlar arxasında keçirəcək.

İrfan Vəliyev