Aktual mövzular: Dollar alış-satışı, Neftin qiyməti, COP29, Hava proqnozu

Sığorta ilə yaşanan problemlər aradan qaldırılır - VİDEO

Tarix: 13 Yanvar 2023 21:16

Kiçik mühərrikli nəqliyyat vasitələri sürücülərinin sığorta ilə bağlı yaşadıqları çətinlik aradan qaldırılacaq.

Sonxeber.net Xəzər Xəbər-ə istinadən xəbər verir ki, bununla bağlı Mərkəzi Bank tərəfindən sığortaedənlər qarşısında konkret öhdəlik qoyulub.

Bankın İdarə Heyətinin qərarı ilə "İcbari sığorta növlərinin aparılmasına icazə verilməsi üçün Əlavə Tələblər"də dəyişikliklər edilib.

Mövzu ilə bağlı danışan sığorta məsələləri üzrə ekspert Vüsal Bədəlov deyir ki, yeni tələbə əsasən, sığorta şirkətləri öz internet səhifələlərində icbari sığorta müqaviləsinin alınması üçün imkan yaratmalıdırlar.

Vüsal Bədəlov bildirir ki, faktiki olaraq aşağı mühərrikli nəqliyyat vasitələrinin sürücüləri avtomobillərini icbari sığorta etdirməkdə ciddi çətinliklərlə üzləşirdilər: "Bu qərarla artıq sığortaçılar belə nəqliyyat vasitəsini icbari sığorta etməkdən qaça bilməyəcəklər".

Qeyd edək ki, kiçik mühərrikli nəqliyyat vasitələrinin icbari sığorta edilməsi problem uzun müddətdir davam etdir.

Xezerxeber.az mövzu ilə bağlı daha ətraflı videomaterialı təqdim edir:

Whatsapp ilə göndər