''Taha 9 mərtəbəli binanın ən alt hissəsində qalıb''

Tarix: 10 Fevral 2023 16:12

Türkiyədəki zəlzələdən sonra dağıntılar altında qalan sosial media fenomeni Taha Duymazla bağla axtarış işləri hələ də davam etdirilir.

Sonxeber.net axşam.az-a istinadən xəbər verir ki, dünyaca məşhur aşpaz CZN Burak onun olduğu binanın görüntülərini paylaşıb. O bildirib ki, Taha 9 mərtəbəli binanın altındakı dağıntılarda qalıb:

"Dağıntılar altında hələ də insanlar var. Haradansa bir səs gələndə, xilasedicilər bütün Hatayı susdurur. Telefonları bağlatdırırlar. Ona görə də çox mesaj yazmayın.

Tahanın olduğu bina 9 mərtəbəlidir. O isə ən aşağı mərtəbədə olub deyə, altda qalıb. Bütün Hatayı axtarıb, alətlər tapmışam. Tahanı 8 mərtəbədinin altında axtaracağıq. Anamla belə danışa bilməmişəm. Hatay mənim yurdumdur, köhnə halını da bilirəm. Burada bir yox, onlarla bina uçub. Yaxınları insanların gözünün önündə dünyasını dəyişir. Bütün bunlara şahid olmaq asan deyil. Anlayış göstərin, əsəbi mesajlar yazmayın. Öz dostlarım, qohumlarım da var burada. Axtarış zamanı hələ zəlzələlər də davam edir. Tahanın olduğu binanın yanında yatdım. Gözləməkdən başqa çarəmiz yoxdur. Xalasının evində bacısı Mələk və qardaşı Ümid ilə olub".