Çempionlar Liqası: ''Liverpul'' ''Real Madrid''ə, ''Napoli'' ''Ayntraxt''a qarşı - YENİLƏNİR

Tarix: 21 Fevral 2023 22:32

22:28

Bu gün Çempionlar Liqasında 1/8 finalın ilk oyunları çərçivəsində növbəti matçlar keçiriləcək.

Sonxeber.net Qol.az-a istinadən xəbər verir ki, bu gün daha 2 görüş oynanılacaq. "Liverpul" "Real"ı, "Ayntraxt" "Napoli"ni qəbul edəcək. Hər iki qarşılaşma Bakı vaxtı ilə saat 00:00-da başlayacaq.

Qeyd edək ki,  bu komandalar arasında cavab oyunları martın 15-i keçiriləcək.

21 fevral

Çempionlar Liqası
1/8 final mərhələsi, ilk oyunlar

00:00. "Liverpul" (İngiltərə) - "Real" (İspaniya)
Liverpul, "Enfild" stadionu

00:00. "Ayntraxt" (Almaniya) - "Napoli" (İtaliya)
Frankfurt, "Frankfurt" stadionu.

22 fevral

00:00. "İnter" (İtaliya) - "Portu" (Portuqaliya)
00:00. "Leyptsiq" (Almaniya) - "Mançester Siti" (İngiltərə)

14 fevral

00:00. PSJ (Fransa) - "Bavariya" (Almaniya) - 0:1 

00:00. "Milan" (İtaliya) - "Tottenhem" (İngiltərə) - 1:0

15 fevral

00:00. "Borussiya" Dortmund (Almaniya) - "Çelsi" (İngiltərə) - 1:0 

00:00. "Brügge" (Belçika) - "Benfika" (Portuqaliya) - 0:2

---------------

08:08

Bu gün UEFA Çempionlar Liqasında (ÇL) 1/8 final mərhələsinin daha iki oyunu keçiriləcək.

Sonxeber.net Report-a istinadən xəbər verir ki, hər iki qarşılaşma Bakı vaxtı ilə saat 00:00-da start götürəcək.

Gecənin ən prinsipial matçı İngiltərədə "Liverpul"la İspaniya "Real Madrid"i arasında baş tutacaq. Görüşü rumıniyalı FIFA referisi İştvan Kovaç idarə edəcək.

Komandalar indiyədək Avropanın ən nüfuzlu klub turnirində 9 dəfə üz-üzə gəliblər. Bunların 5-də "kral klubu", 3-də "qırmızılılar" qalib gəliblər. Bir qarşılaşma isə heç-heçə ilə yekunlaşıb.

Gecənin digər matçında isə ÇL-in iddialı kollektivlərindən İtaliya "Napoli"si Almaniyada "Ayntraxt"ın qonağı olacaq. Oyunda ədaləti portuqaliyalı hakim Artur Diaş qoruyacaq.

İki komandanın Çempionlar Liqasında yolu cəmi bir dəfə kəsişib. 1994/1995 mövsümünə təsadüf edən hər iki qarşılaşmada Bundesliqa təmsilçisi 1:0 hesablı qələbəyə sevinib.

UEFA Çempionlar Liqası
1/8 final mərhələsi, ilk oyunlar
21 fevral

00:00. "Liverpul" (İngiltərə) - "Real Madrid" (İspaniya)
Baş hakim: İştvan Kovaç (Rumıniya)
Liverpul, "Enfild" stadionu

00:00. "Ayntraxt" (Almaniya) - "Napoli" (İtaliya)
Baş hakim: Artur Diaş (Portuqaliya)
Frankfurt, "Frankfurt" stadionu.

Qeyd edək ki, 1/8 finalın əvvəlki oyunlarında "Milan" İtaliyada İngiltərə "Tottenhem"inə, Almaniya "Bavariya"sı Fransa PSJ-yə, Dortmund "Borussiya"sı Almaniyada İngiltərənin "Çelsi" klubuna 1:0, Portuqaliya "Benfika"sı isə Belçikada "Brügge"yə 2:0 hesabı ilə qalib gəlib.