Aktual mövzular: Dollar alış-satışı, Neftin qiyməti, COP29, Hava proqnozu

Manaf Ağayev: “Əsl kişi ağlayar” - VİDEO

Tarix: 13 Mart 2023 16:20

"İnsanlar qəddarlaşıb. Biz axı niyə belə olduq? Hamı düz insan axtarır, amma heç kim düzgün insanı sevmir. İnsan baxır və düşünür ki, biz niyə belə olduq? Biz belə deyildik".

Sonxeber.net bizim media-ya istinadən xəbər verir ki, bu sözləri müğənni Manaf Ağayev "Maqazin plyus" verilişinə müsahibəsində deyib.

Sənətçi bildirib ki, insanlar bir-birini tanımasalar da, pisliklərindən geri qalmırlar:

"İndi hamı-hamının arxasınca danışır. Hamı bir-birinə badalaq vurmağa çalışır. Bir-birinə xain münasibət göstərirlər. Başqa cür olmuşuq. Maraqlıdır ki, qarşı tərəf heç səni tanımır, münasibəti yoxdur yenə səni istəmir. 30 il bundan əvvəl gördüyüm insanlardan əsər-əlamət qalmayıb".

Manaf "Kişi heç zaman ağlamaz" deyimi ilə də razılaşmayıb:

"Belə bir söz var ki, kişi ağlamaz. Amma bu sözlə heç zaman razılaşmamışam. Elə əsl kişi ağlayar. Necə yəni ağlamaz? Əgər bir kişinin yaxın dostu, valideyini dünyasını dəyişirsə, necə ola bilər ki, ağlamasın? Namərd önündə kişi ağlamaz. Bu başqa məsələdir".

Whatsapp ilə göndər