Aktual mövzular: Dollar alış-satışı, Neftin qiyməti, COP29, Hava proqnozu

Daha bir tanınmış sükan arxasında qəzaya düşdü - FOTO

Tarix: 23 Mart 2023 12:14

"Muzeydə gecə" filmində rol alan məşhur amerikalı aktyor Dik Van Dayk qəzaya düşüb.

Milli.Az oxu.az-a istinadən xəbər verir ki, hadisə Malibuda baş verib.

"Lexus" markalı avtomobili idarə edən məşhur darvazaya çırpılıb. Bildirilir ki, aktyor yolun sürüşkən olması səbəbindən idarəetməni itirib. Belə ki, Malibuda güclü leysan yağıb.

Xoşbəxtlikdən Van Dayk çox ciddi xəsarət almayıb. Aktyorun burnu və ağzı qanayıb. Bundan əlavə, həkimlər beyin silkələnməsi qeydə alıblar. Lakin məşhur xəstəxanaya yerləşdirilməkdən imtina edib.

Polis həmçinin bildirib ki, 97 yaşlı Van Daykin huşu yerində olsa da, kino ulduzu qocalıq dövründə nəqliyyat vasitələrini idarə etmək qabiliyyətini sübut etməli olacaq.

Milli.Az