Aktual mövzular: Dollar alış-satışı, Neftin qiyməti, COP29, Hava proqnozu

''Ağ gəlinlik qızların faciəsinin başlanğıcı olur''

''Ağ gəlinlik qızların faciəsinin başlanğıcı olur''

Tarix: 23 Iyun 2023 04:05

"Övlad bizim şəxsi əşyamız və ya mülkümüz deyil. Valideyn statusu biz övlada təhsil vermək, sağlam və xoşbəxt böyüməsinə şərait yaratmaq, onu heç kimdən asılı etməyəcək həyat səviyyəsinə yaxınlaşdırmaq kimi öhdəliklərə məsul edir".

Sonxeber.net bizim.media-ya istinadən bildrir ki, bu sözləri aparıcı Leyla Əliyeva sosial şəbəkə hesabında paylaşdığı videomüraciətdə bildirib.

Televiziya ulduzu, qızların həddi-buluğa çatmadan tez ərə verməsinə qarşı çıxıb:

"Bütün bunları edərkən valideyn heç bir şəkildə təmənna güdmür və güdməməlidir. "Sənin üçün gecələr yatmadım", "Sənin üçün nə qədər pul xərclədim", "Sənə görə özümü ikinci plana keçirdim" kimi fikirlərə köklənib "Öl desəm, öləcəksən, qal desəm, qalacaqsan" xülyasına düşməyək. Onların seçim etmək hüququ var.

Biz onları istiqamətləndirmək üçünük. Onların nə uşaqlığını, nə də gəncliyini əllərindən ala bilərik. Qızları yetkinlik yaşına çatmamış ərə verib, onları təhsildən, özünüdərkdən məhrum etməyin. Onların hələ formalaşmamış orqanizmini faciəvi sonluğa düçar etməyin. 14-15 yaşında qız uşaqdır. O, təhsil almalıdır, inkişaf etməlidir, özünü qorumalıdır".


Etiketlər:  gəlinlik qızların faciəsinin başlanğıcı olur


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ