Məşhur aktyor VƏFAT ETDİ

Tarix: 20 Sentyabr 2023 08:12

Rusiyanın məşhur teatr və kino aktyoru Aleksey Yanin 40 yaşında vəfat edib.

Sonxeber.net Publika.az-a istinadən xəbər verir ki, bu barədə onun həyat yoldaşı Daria öz sosial səhifəsində məlumat verib.

"Leşa bu gün vəfat etdi... Bu ağrının sərhədi yoxdur...", - o yazıb.

"Son səkkiz ildir ki, teatr aktyorumuz Aleksey Yanin ağır insultun nəticələri ilə mübarizə aparırdı, martda cəmi 40 yaşı tamam oldu. Ailəsinə və yaxınlarına dərin hüznlə başsağlığı veririk. Sizinlə birlikdə yas tuturuq!" - Rusiya Akademik Gənclər Teatrının (RAMT) "Telegram" kanalı bildirib.

Avqustun 31-nə qədər Yanin reabilitasiya mərkəzində olub və burada tez-tez onun ürəyi tutub. Oradan əvvəlcə ən yaxın Lyubertsı xəstəxanasına, sentyabrın 1-də axşam isə Sklifosovski adına Təcili Tibbi Yardım İnstitutuna aparılıb. Həkimlər aktyorun vəziyyətini ağır qiymətləndirib.

Artıq sentyabrın 2-də səhər saatlarında aktyorun həyat yoldaşına tanımadığı nömrədən zəng gəlib. Sonra aktyorun valideynlərinə zəng ediblər: Özünü tədqiqat institutunun baş tibb bacısı kimi təqdim edən bir qadın aktyorun öldeyünü bildirib.

Fırıldaqçılar ölüm tarixçəsini günorta saat üçə qədər saxlamağa müvəffəq olublar: qohumlarına zəng edib tibbi kartının nömrəsini veriblər və cəsədin yalnız axşam meyitxanaya aparılacağını bildiriblər. Bu vaxt ailə dəfn mərasiminə hazırlaşıb. Lakin dəfn xidməti bürosunun əməkdaşlarında şübhələr yaranmağa başlayıb. Nəticədə, müstəqil olaraq tədqiqat institutunun baş həkimi Sergey Petrikovla əlaqə saxlayıblar və təkzib alıblar.

Tezliklə elmi-tədqiqat institutu daxili araşdırma aparıb və məlum olub ki, zəng işçilərdən olmayıb. Telefon nömrələri fırıldaqçılara məxsus olub. Hadisəni törədənlər hələ də tapılmayıb.

Aktyor heç vaxt insultun nəticələrindən xilas ola bilməyib: nitqində və yaddaşında problemlər yaranıb, yataqdan qalxa bilməyib. 20 gün komada qaldıqdan sonra sentyabrın 20-də həyatla əbədi vidalaşıb.