S-400-lərin itirilməsi Rusiyaya “ağrılı və bahalı zərbədir” - Analitiklər

Tarix: 20 Sentyabr 2023 22:40

Ukrayna qoşunları Krımda getdikcə daha çox Rusiyanın S-400 Triumf sistemlərini hədəfə alır. Onların itirilməsi Rusiyanın hava hücumundan müdafiəsinə ağrılı, bahalı və alçaldıcı zərbədir.

Milli.Az Qaynarinfo-ya istinadən xəbər verir ki, bu barədə Londonun "Royal United Services" analitik mərkəzinin nümayəndəsi Sidhart Kauşal "Newsweek"ə şərhində bildirib.

O, əlavə edib ki, hər bir S-400 batareyasının qiyməti təxminən 200 milyon dollardır.

"Əlbəttə, sistem dəyişdirilə bilər, lakin bu, yenə də əhəmiyyətsiz itki deyil" , - Kauşal deyib.

Beynəlxalq Strateji Araşdırmalar İnstitutunun məlumatına görə, 2023-cü ilin əvvəlində Rusiyada təxminən 96 ədəd S-400 mobil "yer-hava" raket sistemi (SA-21 Growlers) olub.

Niderlandın Oryx layihəsi bildirib ki, Rusiya komanda məntəqələri, buraxılış qurğuları və radarlar da daxil olmaqla, S-400-ün əsas komponentlərini ən azı beşini itirib.

Hərbi ekspert David Hemblinqin fikrincə, S-400 Rusiya hava hücumundan müdafiə sistemi "premium" sayılır, onun məhv edilməsi və zədələnməsi Rusiyanın hava hücumundan müdafiə şəbəkəsində "dəliklər yaradıb", sonra bundan istifadə edilib. Bundan əlavə, onun sözlərinə görə, S-400 əvvəllər yaxşı işləyirdi, lakin indi "həssas görünür".

Hembling vurğulayıb ki, S-400-lərin itirilməsi Rusiyanın Krımdakı hədəflərini Ukraynanın "Storm Shadow" qanadlı raketlərinin hücumlarına qarşı daha həssas edir.

"İndi biz S-400-lərin getdikcə daha çox hədəf alındığı bir tendensiyanın başlanğıcını görə bilərik", - analitik bildirib. 

Bununla belə, onun fikrincə, Rusiya artıq S-400 sistemləri ətrafında müdafiəni gücləndirməyə çalışır.

Kauşal əlavə edib ki, S-400 sistemi də Rusiyanın digər sistemləri, xüsusən də "Buk" hava hücumundan müdafiə sistemi ilə əlaqələndirilir, bu o deməkdir ki, S-400 geri çəkilərsə, "ümumilikdə yerli hava hücumundan müdafiə sistemlərinin funksionallığını pozacaq".

Milli.Az