Aktual mövzular: Dollar alış-satışı, Məzənnə, Neftin qiyməti

APOEL-də gərginlik

Tarix: 31 Oktyabr 2019 11:36

"Qarabağ"ın Avropa Liqasının qrup mərhələsindəki rəqiblərindən APOEL-də baş məşqçi Tomas Dolla klub rəhbərliyi arasında gərginlik yaranıb.

Qol.az Kipr mətbuatına istinadən yaydığı xəbərə görə, klub prezidenti Prodromos Petridesin Luk Hacılukası komandaya köməkçi-məşqçi təyin etməsi T.Dollun narazılığına səbəb olub. Alman mütəxəssis ölkə çempionatında "Nea Salamis"lə matçdan (3:0) sonra məşqçi heyətindən razı qaldığını və əlavə köməkçiyə ehtiyac duymadığını söyləsə də, onun bu fikirlərinə məhəl qoyulmayıb.

Yeni təyinatdan sonra T.Doll istefa ərizəsi yazıb. Ancaq klub rəhbərliyi bu məsələyə bir müddətdən sonra baxacağını bildirib.

Qeyd edək ki, APOEL Avroliqanın qrup mərhələsinin 4-cü turun noyabrın 7-i Nikosiyada "Qarabağ"ı qəbul edəcək. Bu komandalar arasında Bakıdakı qarşılaşma 2:2 hesabı ilə başa çatıb.

Whatsapp ilə göndər