Gəlini onu elə fotolarla təbrik etdi ki... - FOTOlar

Tarix: 6 Oktyabr 2023 15:15

Məşhur amerikalı sənayeçi və milyarder Nelson Peltsin aktrisa qızı Nikola Peltz qayınatası əfsanəvi futbolçu Devid Bekhemi onun haqqında bu yaxınlarda Londonda baş tutan sənədli filmin premyerası münasibətilə təbrik edib. 

Sonxeber.net bizim.media-ya istinadən bildirir ki, diqqətçəkən məqam Nikolanın bunu onun oğlu, əri Bruklin Bekhemlə açıq-saçıq formada qucaqlaşaraq çəkdiyi fotolarla sosial şəbəkə hesabında paylaşaraq etməsi olub. 

Pelts şəkillərə "Dünən gecə möhtəşəm idi. Devid Bekhemi təbrik edirəm" şərhini yazıb. Nikolanın izləyiciləri isə bu paylaşımdan məəttəl qalıblar.
Şərhlərdə onu ədəbsiz və gülünc davranışlarda, narsizmdə günahlandırıblar və niyə belə fotoları qayınatasına həsr edərək dərc etdiyini soruşublar. Bəziləri həmçinin soruşublar ki, niyə Pelts bu postda Devid Bekhemin adını işarələyib. Onlar üçün qəribə məqamlardan biri isə uzun müddətdir mübahisə və rəqabət yaşadığı barədə şayiələr yayılan qayınanası Viktoriyanın adını işarələməsi olub. 

Qeyd edək ki, bir neçə gün əvvəl Londonun "The Curzon Mayfair" otelində futbolçu Devid Bekhem haqqında "Bekhem" sənədli serialının premyerası olub.

Devid və Viktoriya Bekhem, övladları - oğulları Bruklin, həyat yoldaşı Nikola Peltz, Romeonun sevgilisi Mia Reqan, Kruz və qızı Harperlə premyeraya gəliblər. Fotolar geniş ictimaiyyət arasında müzakirə predmetinə çevrilib. Filmdə Devid və Viktoriya karyeralarında və şəxsi münasibətlərindəki çətinliklərdən necə narahat olduqlarından, müxtəlif çətin anlara toxunduqlarından danışıblar.