Aktual mövzular: Dollar alış-satışı, Neftin qiyməti, COP29, Hava proqnozu

Maskalı şəxslər Sabirabadda tanınmış bələdiyyə sədrinin evinə silahlı basqın etdi

Maskalı şəxslər Sabirabadda tanınmış bələdiyyə sədrinin evinə silahlı basqın etdi

Tarix: 2 Noyabr 2019 14:45

Bakı. Samir Əli - Trend:

Sabirabad rayonunda bələdiyyə sədrinin evinə basqın edilib.

Trend-in məlumatına görə, hadisə rayonun Qaratəpə kəndində baş verib.

Kənd sakini, Sosialist Əməyi Qəhrəmanı, Prezident təqaüdçüsü, Sabirabad rayon Qaratəpə bələdiyyəsinin sədri Fatma Hüseynova bu barədə polisə müraciət edərək bildirib ki, gecə saatlarında onun yaşadığı evə 4 nəfər maskalı şəxs basqın edərək bacısı Tamam Hüseynovanın boyun nayihəsindən vurub. Daha sonra naməlum şəxslər T.Hüseynovanı otağa çəkərək ağzını yapışqan lentlə bağlayıb, onu döyərək pul tələb ediblər. Bacısının səsinə oyanan F. Hüseynova da maskalı şəxslərin hücumuna məruz qalıb.

Maskalı şəxslər onun da ağzını bağlayaraq bıçaqla hədələyiblər. Ailə üzvlərinin səsə oyandığını görən naməlum şəxslər hadisə yerindən qaçıblar.

Faktla bağlı cinayət işi başlanıb.

Trend-in ən mühüm və maraqlı xəbərlərini "Telegram"da izləyin


Etiketlər:  Maskalı şəxslər Sabirabadda tanınmış bələdiyyə sədrinin evinə silahlı basqın etdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ