Gecə - gündüz telefonda “yatan” kişilərə bəd xəbər

Tarix: 5 Noyabr 2023 04:18

İsveç alimləri smartfonun təsiri ilə spermin sayı və keyfiyyətinin dəyişdiyini sübut ediblər.

Sonxeber.net medicina.az-a istinadən xəbər verir ki, səhər açılandan gecə yatana kimi əlindən telefon düşməyən kişilər reproduktiv sistemlərini tez qocaldır.
Cenevrə Universitetinin alimləri əvvəl siçanlar, sonra 18-25 yaşlı kişilər arasında eksperiment aparıblar.
Son 5 ildə smartfonların istifadəsi 10 dəfə artıb. Bu cihazlardan yayılan elektromaqnit radiodalğaların əhvala, sağlamlığa və cinsi sistemə təsiri aktual mövzuya çevrilib.

Son tədqiqat 13 il davam edib.

Bu müddət ərzində 5605 kişi barədə məlumat toplanılıb, onların sperm nümunələri analiz olunub.

Nəticələr göstərib ki, gündə 20 dəfə telefondan istifadə edən, istifadə müddəti hər dəfə 3-5 dəqiqəni keçməyən kişilər eyni yaşıdları ilə müqayisədə daha gənc idilər, onlarda spermin sayı və konsentrasiyası yüksək olub.
Gündə 20 dəfədən çox - 40-50 dəfə telefonu əlin götürənlərdə spermin konsentrasiyası 21% aşağı, ümumi miqdarı isə 22% az olmuşdu.
Eləcə də çox telefon aludəçilərində piylənmə, içki və siqaret istifadəsi də yüksək olub.
Beləliklə, smartfonlarn kişilərdə cinsi zəiflik və sonsuzluğa səbəb olması sübut edilib.