Levandovski ''Barselona''dan gedir?

Tarix: 14 Noyabr 2023 12:10

"Barselona"nın hücumçusu Robert Levandovski Kataloniya komandasını tərk edə bilər.

Sonxeber.net lent.az-a istinadən bildirir ki, polşalı forvardın karyerasını Səudiyyə Ərəbistanı, ABŞ və ya Almaniyada davam etdirəcəyi ehtimal edilir. Almaniyada futbolçu ilə Dortmund "Borussiya"sı maraqlanır və futbolçunun özü də kluba qayıtmaq ehtimalını istisna etmir.

O da qeyd olunur ki, "Barselona" yaxın vaxtlarda Levandovski ilə ayrılmaq niyyətində deyil.

13 turdan sonra "Barselona" İspaniya çempionatının turnir cədvəlində 30 xalla 3-cü pillədə qərarlaşıb. Komanda lider "Jirona"dan 4 xal geri qalır.

Bu mövsüm Levandovski bütün yarışlarda 14 matçda iştirak edib, səkkiz qol və dörd məhsuldar ötürmə edib.