Aktual mövzular: Dollar alış-satışı, Neftin qiyməti, COP29, Hava proqnozu

Azərbaycanla Ukrayna arasında əməkdaşlıq perspektivləri müzakirə olunub

Azərbaycanla Ukrayna arasında əməkdaşlıq perspektivləri müzakirə olunub

Tarix: 5 Noyabr 2019 18:24

Bakı. Trend:

Avropa İttifaqının Şərq Tərəfdaşlığının 10 illik yubileyi münasibətilə üzv ölkələrinin xarici işlər nazirlərinin Stokholmda keçirilən görüşü çərçivəsində Xarici İşlər naziri Elmar Məmmədyarov Ukrayna Xarici Işlər naziri Vadim Pristayko ilə görüşüb.

Nazirlikdən Trend-ə verilən məlumata görə, XİN rəhbərləri iki ölkə arasında ikitərəfli münasibətlərin hazırkı durumu, əməkdaşlığın cari inkişaf səviyyəsi və perspektivləri barəsində fikir mübadiləsi aparıblar.

Görüş zamanı ölkələrimiz arasında bir çox sahələrdə, o cümlədən iqtisadi, ticarət, nəqliyyat və digər sahələrdə mövcud olan əməkdaşlıq yüksək qiymətləndirildi. Bölgədə həyata keçirilən strateji layihələr barədə fikir mübadiləsi aparıldı.

Tərəflər Azərbaycan və Ukraynanın müxtəlif beynəlxalq təşkilatlar çərçivəsində əməkdaşlıq perspektivlərini müzakirə etdilər və bu istiqamətdə birgə səylərin davam etdirilməsinə dair razılıq ifadə edildi.

Sonda E.Məmmədyarov həmkarını Azərbaycana səfər etməyə dəvət etdi.

Tərəflər, həmçinin qarşılıqlı maraq doğuran digər regional məsələləri müzakirə etdilər.

Trend-in ən mühüm və maraqlı xəbərlərini "Telegram"da izləyin


Etiketlər:  Azərbaycanla Ukrayna arasında əməkdaşlıq perspektivləri müzakirə olunub


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ