Aktual mövzular: Dollar alış-satışı, Neftin qiyməti, COP29, Hava proqnozu

Ermənistan Rusiyanı məhkəməyə verməkdən imtina etdi

Ermənistan Rusiyanı məhkəməyə verməkdən imtina etdi

Tarix: 4 Dekabr 2023 14:06

Ermənistan tədarük olunmayan silahlara görə Rusiyanı məhkəməyə verməkdən imtina edib.

Sonxeber.net APA-ya istinadən bildirir ki, bu barədə Ermənistan müdafiə nazirinin müavini Qraçya Sarkisyan bu gün parlamentdə keçirilən brifinq zamanı jurnalistlərə bildirib.

Sarkisyan qeyd edib ki, Ermənistan tədarük olunmayan silahların pulu qaytarılmadığına görə Rusiyanı məhkəməyə verməyəcək.

Onun sözlərinə görə, yaranmış problem qarşılıqlı tərəfdaşlıq şəraitində həll edilməlidir:

"Silah tədarük olunmamasına baxmayaraq, məsələ məhkəməyə qədər gedib çıxmayacaq".

Xatırladaq ki, 24 noyabrda Baş nazir Nikol Paşinyan Moskvanın İrəvana silah tədarükünü gecikdirməsi barədə açıqlama vermişdi.

Paşinyan, hazırda problemin həlli üçün hansı mexanizmlərdən istifadə oluna biləcəyi ilə bağlı müzakirələrin aparıldığını qeyd edib.

Versiyalardan biri kimi, Ermənistanın Rusiyaya olan borcunun həmin məbləğdə (400 milyon dollar) azaldılması səsləndirilib.


Etiketlər:  Ermənistan Rusiyanı məhkəməyə verməkdən imtina etdi


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ