Aktual mövzular: Dollar alış-satışı, Məzənnə, Neftin qiyməti

Serbiya hökumətindən ETİRAF: "Bizi Putin qorudu"

Serbiya hökumətindən ETİRAF:

Tarix: 25 Dekabr 2023 15:12

Rusiya kəşfiyyat xidmətləri Serbiya hökumətini Belqradda müxalifətin etiraz aksiyası zamanı mümkün iğtişaşlar barədə xəbərdar edib.

Milli.Az musavat.com-a istinadən bildirir ki, bu etiraf Serbiyanın baş naziri Ana Brnabiç tərəfindən gəlib.

"Bizim kəşfiyyat xidmətlərinə bununla bağlı məlumatlar daxil olub. İlk növbədə, Rusiya təhlükəsizlik xidməti bizi informasiya ilə təmin edib", - deyə Brnabiç deyib.

Bununla bağlı Serbiya prezidenti Aleksandar Vuçiç də xarici kəşfiyyat xidmətlərindən məlumat aldıqlarını bildirmiş, lakin hansı ölkələrlə danışdığını dəqiqləşdirməmişdi.

Qeyd edək ki, ötən gün Serbiyanın paytaxtında müxalifətin son seçkilərin nəticələrinin ləğvi tələbi ilə keçirilən mitinqində mülki insanlarla polis arasında toqquşma baş verib.

Serbiyada müxalifətin "Serbiya Zorakılığa Qarşı" bloku hakim "Tərəqqi" partiyasının qalib gəldiyi 17 dekabr seçkilərinin nəticələrinin ləğvi tələbi ilə ardıcıl 7 gün Belqradda etiraz aksiyaları keçirib. Müxalifət xüsusilə Belqrad şəhər parlamentinə seçkilərin saxtalaşdırıldığını iddia edərək, rəsmi nəticələrdən narazı olduğunu ifadə edib.

Milli.Az


Etiketlər:  Serbiya hökumətindən ETİRAF Bizi Putin qorudu


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ