Aktual mövzular: Dollar alış-satışı, Neftin qiyməti, COP29, Hava proqnozu

“Goal”un 2024-cü ilin “Qızıl top” favoritləri siyahısına o başçılıq edir

Tarix: 26 Dekabr 2023 10:20

"Goal" nəşri "Qızıl top"a namizədlərin yenilənmiş reytinqini təqdim edib.

Sonxeber.net oxu.az-a istinadən bildirir ki, reytinqdə birinci yeri "Real Madrid"in ingilis yarımmüdafiəçisi Cud Bellinqem tutub. İkinci yerdə "Bavariya"nın hücumçusu Harri Keyn qərarlaşıb. İlk üçlüyü PSJ-dən fransız Kilian Mbappe tamamlayıb.

Qeyd edək ki, dördüncü yerdə Erlinq Haaland ("Mançester Siti"), beşinci yerdə Mohamed Salah ("Liverpul"), altıncı yerdə Rodriqo Hernandes ("Mançester Siti"), yeddinci yerdə Antuan Qrizmann ("Atletiko Madrid"), səkkizinci yerdə Bukayo Saka ("Arsenal"), doqquzuncu yerdə Deklan Rays ("Arsenal"), onuncu yerdə Julian Alvares ("Mançester Siti") qərar tutub.

Qeyd edək ki, "Ən-Nəsr"in portuqaliyalı hücumçusu Kriştianu Ronaldu siyahıda 17-ci, hazırkı qalib Lionel Messi isə 19-cudur.

Whatsapp ilə göndər