Baydeni bayram günü Trampın qanını qaraltdı

Tarix: 27 Dekabr 2023 09:30

ABŞ-nin keçmiş prezidenti Donald Tramp xələfi Co Baydeni Milad günü onun qanını qaraltmaqda ittiham edib. Səbəb isə Baydenin Ağ Evin keçmiş rəhbərini həbs etmək istəyi olub.

Sonxeber.net oxu.az-a istinadən xəbər verir ki, bu barədə siyasətçi özünün "Truth Social" sosial şəbəkə hesabından bildirib.

O deyib ki, "fırıldaqçı və bacarıqsız" Prezident Baydenə görə, gözəl Milad bayramını keçirmək onun üçün çətinləşib.

Tramp, həmçinin ABŞ prezidentinin siyasi rəqibini həbs etmək məqsədilə bütün qeyri-qanuni imkanlardan istifadə edəcəyini vurğulayıb.

Eks-prezident qeyd edib ki, gələn il Bayden Ədliyyə Departamenti, Federal Təhqiqat Bürosu və prokurorların köməyi ilə seçkilərə əhəmiyyətli müdaxilə edəcək.

Eyni zamanda Tramp gələcəkdə ABŞ-ni yenidən böyük ölkəyə çevirməyə çalışanların, həmçinin ölkəni "dəlilik və məhv olmaqdan" xilas etmək üçün mübarizə aparanların qalib gələcəyinə əminliyini bildirib.