Aktual mövzular: Dollar alış-satışı, Məzənnə, Neftin qiyməti

Yuxuda kabus görməmək üçün necə yatmalıyıq?

Tarix: 17 Yanvar 2024 01:03

Sol böyrü üstə yatan insanlarda kabus görmə riski daha yüksəkdir.

Milli.Az oxu.az-a istinadən bildirir ki, bu barədə "Sleep and Hypnosis" jurnalında dərc edilən araşdırma nəticəsində məlum olub

Qeyd olunur ki, sol tərəfdə yatan insanların 41%-i yuxuda kabus görür. Sağ böyrü üstə yatmağa üstünlük verənlər arasında kabuslar 15%-də baş verir.

Bu, çox güman ki, sol tərəfdə yatan insanların ürəyinə daha çox düşən yük ilə bağlı ola bilər. 2018-ci ildə aparılan və "BioMedical Engineering OnLine" jurnalında dərc olunmuş bir araşdırma bunun ürəyin stres zamanı fəaliyyəti ilə əlaqəli olduğunu müəyyən edib. Ürək xəstəliyi olmayan insanlarda ciddi problemlərin yaranması ehtimalı azdır, lakin yuxu zamanı narahatlıq hissi xoşagəlməz yuxulara səbəb ola bilər.

Xüsusilə obstruktiv yuxu apnoesi olan insanların arxası üstə yatmaları da xoşagəlməz yuxulara səbəb ola bilər. Bu vəziyyət tez-tez xoruldama və tənəffüs tutulması ilə müşayiət olunur. Arxası üstə uzanmaq həmin simptomları pisləşdirir və tez-tez oyanmalara, narahat yuxular və kabuslara səbəb ola bilər.

Milli.Az

Whatsapp ilə göndər