Aktual mövzular: Dollar alış-satışı, Neftin qiyməti, COP29, Hava proqnozu

Ayrapetyan xaricə qaçdı, siyasi sığınacaq istədi

Tarix: 25 Yanvar 2024 23:08

İrəvan Ağsaqqallar Şurasının "Ana Ermənistan" fraksiyasından olan nümayəndəsi Narine Ayrapetyan həyati təhlükəsi və polisin təzyiqi səbəbindən ölkəni tərk etdiyini bildirib.

Sonxeber.net axar.az-a istinadən xəbər verir ki, bu barədə "Ana Ermənistan" fraksiyası məlumat yayıb.

"Məni söhbətə kimin apardığını və onun polislə hansı əlaqəsi olduğunu başa düşmədim. Hüquq-mühafizə orqanlarının əməkdaşları vəziyyəti araşdırmağa cəhd etmədilər, məni ittiham etdilər, hətta ifadə yazıb, imza atmağa məcbur etdilər. Getmək qərarına gəldim", - deyə Ayraptyan bildirib.

Ayrapetyan etiraf edib ki, o, siyasi sığınacaq istəyib və həyatının təhlükədə olmadığına əmin olana qədər xaricdə qalacaq.

Qeyd edək ki, bundan öncə Ermənistan İstintaq Komitəsi Ayrapetyanın oğurlanması ilə bağlı cinayət işi açmışdı. Hadisə yanvarın 15-də baş vermişdi.

Whatsapp ilə göndər