Aktual mövzular: Dollar alış-satışı, Neftin qiyməti, COP29, Hava proqnozu
Tarix: 20 Mart 2024 14:24
Yaponiyanın qərb sahillərində Cənubi Koreya bayrağı altında kimyəvi maddələr daşıyan tanker çevrilib.
Sonxeber.net qafqazinfo-ya istinadən xəbər verir ki, bu barədə BBC məlumat yayıb.
Qeyd olunub ki, ekipajın 5 üzvü hadisə nəticəsində itkin düşüb.
Məlumata görə, "KEOYOUNG SUN" adlı 870 tonluq tankerdən Şimonoseki sahillərində Mutsure adasının şimal-qərbində kömək çağırışı olunub.
O da bildirilib ki, tanker güclü külək və yüksək dalğalar səbəbindən çevrilib.
Hadisə zamanı yük gəmisində 8 İndoneziya, 2 Cənubi Koreya və 1 Çin vətəndaşı olmaqla ümumilikdə 11 ekipaj üzvü olub. Onlardan altısı xilas edilib.
Digər 5 nəfərin isə axtarışları davam edir.