AFFA 2023-cü ildəki gəlirlərini açıqladı

Tarix: 2 Aprel 2024 10:58

AFFA-nın bu gün keçirilən Hesabat Konfransında qurumun Maliyyə və Mühasibat Departamentinin 2023-cü il üçün hesabatı təqdim olunub.

Sonxeber.net İdman.Biz-ə istinadən bildirir ki, ötən il qurumun büdcəsinə 35 milyon 617 min 445 manat vəsait daxil olub.

Bu məbləğin 19 milyon 475 min 873 manatı AFFA-nın baş sponsoru olan SOCAR-ın hesabına düşür. Qurum 13 milyonu maliyyə dəstəyi, 6 milyon 475 min 873 manatı qrant müqavilə çərçivəsində ödəyib.

Vəsaitin 4 milyon 854 min 178 manatı UEFA-dan, 4 milyon 667 min 364 manatı milli komandanın yayım hüququndan, 3 milyon 277 min 600 manatı FİFA-dan, 1 milyon 180 min manatı "Liv Bona Dea Hospital"dan, 1 milyon 180 min manatı "Məlhəm Beynəlxalq Hospital"dan, 236 min manatı "Rabitə Bank", 118 min manatı "Paşa Sığorta"dan, digər 628 min 430 manat isə başqa mənbələrdən assosiasiyanın hesabına daxil olub.