Aktual mövzular: Dollar alış-satışı, Neftin qiyməti, COP29, Hava proqnozu

Zaxarova tələb etdi: İrəvan ölənlərin siyahısını versin!

Zaxarova tələb etdi: İrəvan ölənlərin siyahısını versin!

Tarix: 7 Iyun 2024 22:26

Rusiya ümid edir ki, erməni parlamentarilər Rusiya ordusunun Ukraynanın Buça şəhərində keçirdiyi əməliyyatlar nəticəsində həlak olanların siyahısını Moskvaya təqdim edəcəklər.

Sonxeber.net axar.az-a istinadən xəbər verir ki, bu sözləri Rusiya XİN rəsmisi Mariya Zaxarova bugünkü brifinqdə Ermənistan nümayəndə heyətinin Kiyev vilayətinin Buça şəhərinə səfəri ilə bağlı məlumatı şərh edərkən bildirib.

"Təbii ki, Ermənistan parlament nümayəndə heyətinin əlində Kiyev rejiminin Rusiya ordusuna aid etdiyi qurbanların siyahısı var və həmin şəxslərin guya Rusiya tərəfindən öldürüldüyünü iddia edir. Biz həqiqətən ümid edirik ki, Ermənistan tərəfi siyahını Rusiya tərəfi ilə bölüşəcək. İki ildir ki, bu məlumatları təşkilatlara, o cümlədən BMT-yə təqdim edə bilmirlər", - deyə o bildirib.

Xatırladaq ki, ötən gün Ermənistanın Ukraynadakı səfiri Vladimir Karapetyan və İrəvanın Nor Nork inzibati ərazi dairəsinin rəhbəri Tiqran Ter-Marqaryan Buçaya səfər ediblər.

Ermənistan rəsmiləri 509-cu memorial kompleksində qurbanların, həlak olmuş dinc sakinlərin xatirəsini yad ediblər.


Etiketlər:  Zaxarova tələb etdi İrəvan ölənlərin siyahısını versin


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ