Aktual mövzular: Dollar alış-satışı, Neftin qiyməti, COP29, Hava proqnozu

Kemeron Poroşenko bildiyi şəxslə görüntülü danışdı

Tarix: 8 Iyun 2024 14:40

Özünü Ukraynanın keçmiş Prezidenti Petr Poroşenko kimi təqdim edən bir şəxs Böyük Britaniyanın xarici işlər naziri Devid Kemerona zəng edərək onu aldatmağa cəhd edib.

Sonxeber.net qafqazinfo-ya istinadən xəbər verir ki, bu barədə məlumatı "The Times" yayıb.

Bildirilir ki, Kemeron həmin şəxslə mesajlaşıb və telefonla görüntülü qısa danışıq aparıb. Məlumata görə, Poroşenko olduğunu iddia edən şəxs Kemerondan digər şəxslərin əlaqə məlumatlarını istədikdə, Britaniyanın XİN rəhbəri vəziyyətdən şübhələnməyə başlayıb.

Hadisənin son günlər baş verdiyi qeyd olunub. Britaniya XİN faktı təsdiqləsə də, həmin şəxsin nazirlə necə əlaqə saxlaya bildiyi və onun əslində kim olduğu barədə detalları açıqlamayıb.

Xatırladaq ki, P.Poroşenko 2014-2019-cu illərdə Ukrayna Prezidenti olub.

Whatsapp ilə göndər