Kart Putinin əlindədir, bir gecədə bitirə bilər - Pavel

Tarix: 30 Avqust 2024 15:12

Qərbin verdiyi silahlardan necə istifadə edəcəyinə Ukrayna özü qərar verməlidir. Bu, digər məsələlərlə yanaşı, F-16 qırıcılarına da aiddir.

Sonxeber.net axar.az-a istinadən bildirir ki, bunu Çexiya Prezidenti Petr Pavel bildirib.

"Əgər BMT Nizamnaməsinin 51-ci maddəsinə əsasən biz Ukraynaya hərbi əməliyyatlarda bilavasitə iştirak etməklə deyil, özünü təcavüzdən müdafiə etmək və ona maddi təchizatla kömək etmək istəyiriksə, o zaman bu silah təchizatından necə istifadə edəcəyinə qərar vermək Ukraynanın işidir", - P.Pavel söyləyib.

Çexiya prezidenti qeyd edib ki, Rusiya ilkin olaraq Ukraynaya müdaxilə etməsəydi, Ukrayna hərbçiləri Rusiya ərazisində yerləşən hədəflərə hücum etməli olmayacaqdı.

"Əsas kart Prezident Putinin əlindədir. O, müharibəni bir gecədə bitirə bilər", - Pavel vurğulayıb.