Aktual mövzular: Dollar alış-satışı, Neftin qiyməti, COP29, Hava proqnozu

Vardanyan Bakı həbsxanasından Paşinyana cavab verdi

Tarix: 20 Sentyabr 2024 11:04

Bakıda həbsdə olan Ruben Vardanyan Ermənistanın baş nazirinin son mətbuat konfransı zamanı ona ünvanladığı bəyanata cavab verib.

Sonxeber.net unikal-a istinadla xəbər verir ki, bu barədə Ruben Vardanyanın ofisi məlumat yayıb.

Erməni milyarder bildirib ki, o, Paşinyanla söhbətində Ermənistanın siyasətinə qarışmayacağını deyib: "Əgər Baş nazirin mənimlə bağlı hər hansı sualı olarsa, o, 2022-ci ilin noyabrında, mən həm də dövlət naziri vəzifəsini icra etdiyim zaman mənə müraciət edərdi. İstənilən halda, mən indi də onun istənilən sualına cavab verməyə hazıram.

Baş nazirə xatırlatmaq istəyirəm ki, 2018-ci ilin yazında onunla ilk dəfə həmkarlarımızla, dördümüzlə görüşəndə ona dedim ki, biz Ermənistan hakimiyyətinə münasibətdən asılı olmayaraq xeyriyyəçiliklə məşğul oluruq, çünki bunu xalq üçün edirik.

İndi xalqımız öz tarixinin ən çətin dövrlərindən birini yaşayır, lakin mən inanıram ki, çətinliklərə və fikir ayrılıqlarına baxmayaraq, biz bu mərhələni keçib, sülh və işıqlı gələcək qura biləcəyik".

Whatsapp ilə göndər