Xəbərdarlıq: Evdə saxlanılan bu çiçəklər əslində zəhər yayırmış

Tarix: 5 Oktyabr 2024 20:03

Evlərimizdə estetik görünüş üçün saxladığımız bəzi bitkilərin əslində sağlamlığa zərərli olduğu ortaya çıxıb.

Milli.Az publika.az-a istinadən xəbər verir ki, evdə qulluq etdiyimiz bu bitkilər xüsusilə uşaqlara və heyvanlara mənfi təsir göstərə bilər.

Oleander gülü: Çox gözəl görünən, lakin ən zəhərli bitkilərdən biridir. Yarpaqlarına toxunulduğu zaman üzərindəki zəhər bədənə daxil ola, bu da ölümcül nəticələrə səbəb ola bilər. Uşaqlar və ya heyvanlar təsadüfən oleander bitkisinin yarpaqlarını yeyərsə, ciddi fəsadlar yaranar.

Hortenziya: Bu bitkinin çiçəkləri və yarpaqları təsadüfən istehlak edilərsə, ciddi problemlərə səbəb ola bilər. İshal, mədə krampları və qusma kimi problemlərə yol açacaq.

Nərgizgülü: Bu bitki xoş görünüşü və rəngi ilə insanları özünə cəlb edir. Lakin yarpaqları mədə krampları, ishal, qusma və yuxu şikayətlərinə səbəbdir.

Ardıc ağacı bonsai: Son illərin məşhur dekorasiya məhsullarından biri olan bu bitki bəzi insanlarda nəfəs darlığına və göz yaşlarına səbəb ola bilər. Bu və buna bənzər allergik reaksiyaların qarşısını almaq üçün diqqətli olmaq lazımdır.

Milli.Az