Aktual mövzular: Dollar alış-satışı, Neftin qiyməti, COP29, Hava proqnozu

Çin hakimiyyətinin bu addımı neftin qiymətini düşürdü

Tarix: 12 Noyabr 2024 08:52

Həftənin ilk günündən dünya bazarında neft qiymətlərinin kəskin ucuzlaşması müşahidə olunur.

Sonxeber.net musavat.com-a istinadən xəbər verir ki, gün ərzində Brent markalı etalon neftin 1 barelinin qiyməti 76 dollardan 71.81 dollara qədər ucuzlaşıb.

Analitiklərə görə, neft bazarı Çində iqtisadiyyatın stimullaşdırılması tədbirlərinin yetərincə geniş olmamasının neqativ təsirindədir. Belə ki, ötən həftə Çin hökuməti yerli hökumətlərə kömək üçün 1,4 trilyon yuan (195,4 milyard dollar) ayıracağını açıqlayıb Bu, daha əhəmiyyətli stimul gözləyən investorları məyus edib. Bundan əlavə, şənbə günü dərc edilən məlumatlar, deflyasiya risklərini artırmaqla, oktyabr ayında Çində inflyasiyanın daha da yavaşladığını və istehsalçı qiymətlərinin aşağı düşdüyünü göstərdi.

Bu həftə treyderlərin diqqəti həmçinin OPEC, Beynəlxalq Enerji Agentliyi (IEA) və ABŞ Energetika Nazirliyinin neft hesabatlarına və proqnozlarına yönəlib.

Whatsapp ilə göndər