Fatimə bu suala kövrəldi

Tarix: 5 Dekabr 2024 00:15

Rəqqasə Fatimə Fətəliyeva "Gün ortası" verilişində kövrək anlar yaşayıb.

Sonxeber.net axşam.az-a istinadən bildirir ki, sənətçi aparıcının "Fatimə tənha qadın nə vaxt olur" sualını eşitdikdən sonra göz yaşlarına hakim ola bilməyib. O, bu suala cavab verməkdən imtina edərək bunları deyib:

"Hər bir insanın içində öz dünyası var. Biz bunu tamaşaçılara göstərməməliyik. Səhnədə çalışıram ki, insanlara pozitiv ötürüm. Hər zaman düşünmüşəm ki, Allah ruzini verirsə, kimlərəsə dəstək olmalısan. Bəzən instaqramda məndən dəstək istəyirlər. Başa salanda ki, indi edə bilmərəm, mənə aqressiya göstərirlər. "Necə yox deyə bilərsən? Sənin hər şeyin var, bəxtəvərsən" deyirlər. Amma o şeylərə çatana qədər həyatda nələrdən keçmişəm".