“Çağırışlarımıza əməl etməsələr...” - Ərdoğandan xəbərdarlıq

Tarix: 18 Yanvar 2025 21:04

Türkiyə Prezidenti Rəcəb Tayyib Ərdoğan Suriyadakı terrorçulara növbəti dəfə xəbərdarlıq edib.

Sonxeber.net qafqazinfo-ya istinadən xəbər verir ki, o, bu barədə Mersin vilayətindəki çıxışında deyib.

"Terrorçular çağırışlarımıza əməl etməsələr, uğurlu əməliyyatlarımız nəticəsində məsələni özümüz həll edərik. Artıq regionun gələcəyini bölgənin qədim xalqları müəyyənləşdirəcək", - Türkiyə lideri bildirib.

Ərdoğan vurğulayıb ki, regiondakı yüzillik oyun pozulub: "Bölgəmizdə qardaşlıq, sabitlik təmin olunur".

Prezidentin sözlərinə görə, rəsmi Ankara Suriyada yeni ssenarilərin qarşısını almaqda israrlıdır: "Suriyanın üçdəbir hissəsini işğal edən YPG terror təşkilatına qarşı heç bir tolerantlığımız yoxdur. Yaxın gələcəkdə təşkilatın mövcudluğuna tamamilə son qoymaq üçün addımlar atacağıq".