Aysun konsertdə onu qucaqlayan bəyin kimliyini açıqladı

Tarix: 8 Mart 2025 19:40

Müğənni Aysun İsmayılova mühafizəçisinin onu qucaqlaması ilə bağlı yayılan söz-söhbətlərdən danışıb.

Sonxeber.net xəbər verir ki, bu barədə o, instaqramda məlumat yayıb.

"Bununla bağlı hər yerdə yazılar görürəm və mənə xoş deyil. Gəncə konsertimdə şəxsi mühafizəçimin məni qucaqlamağı söz-söhbət yaradıb. Onu deyim ki, 15 yaşımdan o, bizim ailəmizin şəxsi mühafizəçisidir və uzun zamandır birgə işləyirik. Məni qucaqlamağının səbəbi odur ki, əməliyyat olunmuşam. Qabırğalarıma çox dəyilməməlidir. Çünki insanlar birdən üstümə axın edirdi. Mənim çox incidilməməyim üçün qucaqlayırdı.

İkincisi də səhnədən yıxılmağıma bir addım var idi. Onun qarşısını alırdı. Əlimi insanlara uzadırdım, onlar da məni qabağa çəkirdi, yıxılmağımın qarşısını alırdı. Bilib-bilmədən danışmayın, ayıbdır". (Bizim.Media)