Rafael Fiziyev: ''Ən qısa zamanda toparlanıb geri qayıdacağam''

Tarix: 13 Mart 2025 19:30

"8-9 gün ərzində döyüşü qəbul etdim, dünyanın o biri tərəfinə uçdum və bütün varlığımı döyüşdə qoydum".

Sonxeber.net oxu.az-a istinadən xəbər verir ki, bu sözləri azərbaycanlı UFC döyüşçüsü Rafael Fiziyev öz sosial şəbəkə hesabında yazıb.

"Əminəm ki, bu döyüşə baxarkən siz kanalı dəyişməmisiniz və ya videonu sürətlə irəli çəkməmisiniz. Bu, mənim döyüşlərdəki əsas məqsədlərimdən biridir. Əlbəttə, hədəfim yalnız qələbə idi və öz gücümə və bacarıqlarıma arxayın idim, amma alınmadı. Əslində kədərli haldır, amma öhdəsindən gələ biləcəyəm və qayıdacağam. Tamamilə rahat idim. Təbii ki, həmişə olduğu kimi, döyüşün hər saniyəsindən səmimi həzz aldım. Məni kimlərin izlədiyini və kimləri təmsil etdiyimi, bunun üçün mənə nə olacağını bilmək böyük şərəf idi! Biz ürəyimizlə və sona qədər mübarizə aparırıq!"

Qeyd edək ki, Fiziyev ötən həftəsonu UFC 313 turniri çərçivəsində amerikalı Castin Qetjiyə hakimlərin yekdil qərarı ilə məğlub olub.