Bekhem ailəsində qalmaqal

Tarix: 5 Aprel 2025 15:28

Dünyaca məşhur Devid və Viktoriya Bekhemin oğullarının küsülü olduğu üzə çıxıb. 

Sonxeber.net bildirir ki, "qara pişik" cütlüyün böyük oğulları Bruklin və Romeonun arasında qaçıb. 

Bu barədə "TMZ" nəşrinə ulduz ailəyə yaxın olan mənbə məlumat verib.

Portalın yazdığına görə, mübahisəyə səbəb Romeonun sevgilisi Kim Ternbull olub. 

Məlum olub ki, onun keçmişdə futbolçunun böyük oğlu Bruklinlə qısa müddətli münasibəti olub. İndi də Kim və Romeo arasında romantika başladığı üçün bu, qardaşlar arasında anlaşılmazlıqlara səbəb olub. Düzdür, söhbət heç də qısqanclıqdan getmir, əksinə, Ternbull mənbələrin iddia etdiyi kimi Bruklindən qardaşına yaxınlaşmaq üçün istifadə edib. Əlbəttə, o, Kimə, indi də Romeoya qəzəblidir. Uşaqlar bir neçə aydır ki, əlaqə saxlamırlar. Bruklin narahatdır və Romeonun taleyinə görə məsuliyyət hiss edir.

Bu yaxınlarda Bruklin və arvadı Nikola, hətta Devidin qarşıdan gələn 50 illik yubiley gecəsini də qatılmayıb. Buna səbəb  isə Kimin həmin məclisdə iştirak etməsi olub. Və eyni səbəbdən Bruklin söz verdi ki, əgər Ternbull orada olarsa, heç bir ailə toplantısında görünməyəcək. Belə də olub...

Eyni zamanda, nə ailə başçısı Devidin, nə də anası Viktoriyanın Kimə qarşı heç bir pis fikri yoxdur. /olay.az