Üzdə səpgilər – demodeks gənələri

Tarix: 15 Iyul 2025 10:21

Üzdə gənə təhlükəli xəstəlik sayılır. Onun elmi adı demodeksdir. Patologiya mikroskopik ölçülü gənə tərəfindən törədilir. Xəstəlik erkən mərhələdə aşkarlandıqda müalicə daha asan başa gəlir.

Üzdə gənə nədir?

Demodeks tük follikullarında və yağ vəzilərində yaşayan kiçik parazitdir. Ölçüsü 0.1-0.4 mm arasında dəyişir. Normada dəri səthinin hər sm2-də 2-3 gənə yaşayır. Onların sayı az olduqda orqanizmə zərər yetirilmir. Lakin müəyyən faktorların (zəif immunitet, stress, hormonal fonun dəyişməsi və s.) təsirindən bu parazitlər çoxaldıqda üzdə gənə xəstəliyi - demodekoz yaranır.
Üzdə gənə hansı əlamətlərlə təzahür edir?

Dərialtı parazitin varlığından necə xəbər tutmaq olar? Demodeksin xarakterik simptomları aşağıdakılardır:
sızanaqlar;
yağlı parıltı;
dərinin qaşınması və qızarması.

Dəri yağlılığının səbəbsiz artması üzdə gənənin ilkin əlaməti sayılır.Dəri örtüyünün funksional pozğunluqları çoxsaylı sızanaq, akne ilə özünü büruzə verir. Növbəti mərhələdə xoralar əmələ gəlir. Dəri nahamar şəkil alır. Gənə infeksiyasının əsas simptomlarından biri dəridə qızartıdır. Üzdə gənə xəstəliyindən əziyyət çəkən şəxslərdə daimi qaşınma müşahidə olunur. Məsələ burasındadır ki, demodeksin həyat fəaliyyəti məhsulları üzdə allergiya törədir. Bəzi həssas insanlar dərinin üst qatlarında gənənin hərəkətini hiss edirlər. Gecə saatlarında əlamətlər daha da güclənir. Gündüz vaxtı simptomların zəif olması demodeksin işıqdan qorxması ilə əlaqəlidir. Gənə burun əsasında məskunlaşdıqda bu hissədəki toxuma birləşdirici qatla əvəz olunur. Buna görə də burun böyüyür, daha ətli görünür. Dəri örtüyü isə kobudlaşır və qabıqla örtülür.Gözlərdə daim qum hissiyatı, qızarma və yaşarma demodeksin kiprik diblərində məskunlaşması zamanı müşahidə olunur.Sadalanan əlamətlər qorxunc görünsə də, onların hamısı dərhal təzahür etmir.
Üzdə gənə xəstəliyinin diaqnostikası

Törədicilər üz dərisindən və kipriklərdən götürülən sıyrıntının mikroskopiyasında təyin olunur. Analiz verməzdən bir neçə gün əvvəl dekorativ kosmetika, krem və losyondan istifadə etmək olmaz.
Üzdə gənə xəstəliyinin müalicəsi

Demodeksin ən effektiv müalicə sxeminə aşağıdakılar daxildir:
Məlhəmlər (maz);
Həblər (tabletlər);
TCA-pilinq;
Ozonoterapiya.

Permetrin məlhəm. Həkimlərin üstünlük verdiyi məlhəmlərdəndir.  Permetrinli bakterisid məlhəmi məhz demodekozların müalicəsində geniş tətbiq olunan ən unikal vasitədir. Permetrinli bakterisid məlhəmi demodekoz xəstəliyinin törədiciləri olan demodeks gənələrini məhv edir. Dəri səthində olan qaşınma və qızartı hissini aradan qaldırır. Dəridə regenerativ prosesləri stimulə edir. Xinifuril antibakterial təsir göstərir. Əsasən qrammüsbət floraya - stafilokokk və streptokokklara təsir göstərir. Permetrinli bakterisid məlhəmi həm antiparazitar, həm də antibakterial təsir göstərir.
İstifadə qaydası: Dəri səthi təmizlənilir. Sonra Permetrinli bakterisid məlhəmi çəkilir. 8-14 saat saxlanılır. Sonra isə sabunla yuyulur. Prosedura gündə 1 dəfə olmaqla 14 gün müddətində təyin olunur.
Əks təsirləri ola bilər. İstifadədən öncə həkiminiz və ya əczaçınızla məsləhətləşin.