Messi “Barselona”ya qayıdır? - Klub prezidenti AÇIQLADI

Tarix: 13 Noyabr 2025 09:54

"Barselona"nın prezidenti Xuan Laporta komandanın sabiq hücumçusu Lionel Messinin mümkün qayıdışı ilə bağlı yayılan xəbərlərə münasibət bildirib.

Sonxeber.net xəbər verir ki, Laporta bu barədə "Mundo Deportivo"ya açıqlama verib:

"Bəzi məsələlər istədiyimiz kimi getmədi. Əgər aramızdakı qarşılıqlı hörmət müəyyən şeyləri düzəldə bilsəydi, bu, əlbəttə, yaxşı olardı. Lakin Messinin futbolçu kimi kluba qayıdacağı barədə deyilənlər həqiqəti əks etdirmir", - klub rəhbəri deyib.

Qeyd edək ki, Lionel Messi 2003-2021-ci illərdə "Barselona"nın formasını geyinib. Bu müddət ərzində o, 778 oyuna çıxaraq 672 qol vurub və 303 qol ötürməsi ilə yadda qalıb. Argentinalı ulduz 10 dəfə La Liqa, 7 dəfə İspaniya Kuboku və 4 dəfə Çempionlar Liqasının qalibi olub.

Hüseyn