Dünyanın ən qorxulu cütlüyü - Moors cinayətinin şok detalları - FOTO

Tarix: 22 Dekabr 2019 13:08

İngiltərə tarixində ən çox nifrət edilən, beş uşaq və bir gəncin qatili olan Ian Brady və Myra Hindley haqda olduqca az mənbədə məlumatlar var.

Musavat.com onedio-ya istinadən həmin manyak qatillər haqda məlumatları təqdim edir.

2 yanvar 1938-ci ildə Şotlandiyanın Qlazqo şəhərində anadan olan Bradi heç vaxt atasını görməyib. Ana qayğısından da məhrum olan Bradi başqa bir ailəyə övladlığa verilib.

O, uşaqlıqda heyvanlara əzab verməkdən, hətta onları heyvanları öldürməkdən zövq alırdı. Şahidlərin sözlərinə görə, Bradi yaşıdlarından olduca fərqlənirdi. Belə ki, oyun oynayan zaman yaşıdlarına qarşı ağlasığmaz hərəkətlər edən Bradi onları vurar, dişləyər və bədənlərinin hər hansı bir nahiyəsindən sıxmaqdan zövq alardı.  

Bradi ilk dəfə 13 yaşında olarkən tutulub. 16 yaşına kimi isə dəfələrlə soyğunçuluğa görə həbs edilən yeniyetmə, artıq bunu ənənə halına çevirmişdi.

Onun ən çox sevdiyi kitablar arasında Hitlerin "Mənim mübarizəm", Dostoyevskinin "Cinayət və cəza" və Markisin "Justine - Fəzilət Fəzilətləri" də var idi.  

Bradi 1957-ci ildə, 19 yaşında olan zaman mühasibatlığı öyrənib və işləməyə başlayıb.  O, daha sonralar aşiq olacağı Hindley ilə tanış olub.

Sevgisi uğrunda cinayətə bulaşan Myra Hindley...

Hindley 23 iyul 1942-ci ildə Mançesterdə anadan olub. O da Bredi kimi çətin uşaqlıq keçirib. Uşaqlığını işçi Gorton bölgəsində keçirən Myranın atası hərbçi, anası isə mühəndis idi. Atasının içki düşgünü olmağı Hindleyin psixologiyasına öz mənfi təsirini göstərib. Hər dəfə içdikdən sonra Myranı döyən atası, onun gələcəkdə qatil olmağının ən böyük səbəbkarlarından biri olub.

Ailənin ikinci uşağı dünyaya gələndən sonra Myra nənəsinin yanına göndərilib. O, dərslərini yaxşı oxuyurdu. Olduqca çalışqan idi. Lakin çox vaxt məktəbə getməyinə mane olunurdu. Myra Hindley həm də yaxşı üzə bilirdi. Üzgüçülük yarışlarında dəfələrlə birinci yerə layiq görülmüşdü.

15 yaşında olan zaman dostu hovuzda boğularaq ölür. Myra bundan sonra həyatının ən böyük travmasını alır. Belə ki, həmin gün dostu ondan üzməyə birlikdə getməyini xahiş edir. Lakin Myra bunu qəbul etmir və başqa yer gedəcəyini bildirir. Elə buna görə də o, dostunun ölümündə özünü günahkar sayır.

Baş vermiş hadisədən sonra o, məktəbi tərk edib işləməyə başlayır. İki il sonra bir nəfərə aşiq olan Myra, sonralar bu fikrindən vaz keçir və evliliyin onun üçün doğru seçim olmadığı qənaətinə gəlir.

18 yaşında özündən 4 yaş böyük olan Bredi ilə tanış olan Myra ona elə ilk görüşdəcə aşiq olur.

Bir-birlərinə sevgi etirafı edən cütlük getdikcə birlikdə daha çox vaxt keçirirdilər. Hər günü fərqli yaşayan gənclər kinoya gedir, birlikdə yemək yeyir və bir-birinin evinə qonaq olurdular. Bradi almanlara heyranlığını, Hitlerə rəğbət bəslədiyini Hindleyə açıq-aşkar şəkildə bildirirdi. Bradinin sözlərinə görə, zorlama və cinayət heç də yanlış şeylər deyil. Hər gün bu cür söhbətlər edən Bradi, Hindleyə bunların doğru olduğuna inandıra bilmişdi.

Hindley Bradiyə olan sevgisinə görə geyim tərzindən tutmuş, düşüncələrinə qədər  dəyişmişdi. O, hətta Bradinin "Tanrı yoxdur" fikrinə görə kilsəyə də getmirdi.

12 iyul 1963-cü ildə hazırlanan qüsursuz cinayət planı