Aktual mövzular: Dollar alış-satışı, Neftin qiyməti, COP29, Hava proqnozu

''Özil zədəli olmasa belə, heyətə daxil etməzdim''

Tarix: 22 Dekabr 2019 21:02

"Arsenal"ın müvəqqəti çalışdırıcısı Fredrik Lyunberq Premyer Liqanın 18-ci turunda "Everton"la (0:0) matçda Məsut Özilin heyətə daxil edilməməsinin səbəbini açıqayıb.

Qol.az Britaniya mətbuatına istinadən xəbər verir ki, 38 yaşlı mütəxəssis türk əsilli yarımmüdafiəçinin "Mançester Siti" ilə oyundakı davranışına görə onu cəzalandırdığını deyib:

"Mançester Siti" ilə matçda əvəzlənərkən göstərdiyi reaksiya azarkeşlərin xoşuna gəlmədi. Bu vəziyyət haqda mənə sual veriləndə "Arsenal"da belə davrana bilmərik" cavabını vermişdim. Məsut zədələndiyi üçün "Everton"la qarşılaşmada iştirak etmədi. Amma zədəli olmasa belə, heyətə daxil etməzdim. Göstərmək istəyirəm ki, o, "Arsenal" futbolçusundan gözləmədiyim bir hərəkət edib. Bu, mənim qərarımdır. Bundan sonra qərarları mən verməyəcəyəm, amma ən azından mənim düşüncəm belədir".

Qeyd edək ki, dekabrın 20-da “Arsenal”da baş məşqçi vəzifəsinə Mikel Arteta təyin olunub.