Aktual mövzular: Dollar alış-satışı, Neftin qiyməti, COP29, Hava proqnozu

FHN-in taekvondo komandasının idmançıları yeni uğurlar qazanmaqda davam edir (FOTO)

Tarix: 29 Dekabr 2019 15:32

Bakı. Trend:

23-28 dekabr 2019-ci il tarixlərində Abşeron Olimpiya Kompleksində Azərbaycan Taekvondo Federasiyasının və Bakı Şəhər Gənclər və İdman Baş İdarəsinin təşkilatçılığı ilə yeniyetmə, gənc və böyüklər arasında 30-cu Azərbaycan çempionatı keçirilib.

Trend-in məlumatına görə, 75 komandadan 750-dən çox idmançının mübarizə apardığı yarışda Fövqəladə Hallar Nazirliyinin taekvondo komandasının idmançıları da iştirak edib.

Yarışda Fövqəladə Hallar Nazirliyinin Mülki Müdafiə Qoşunlarının “N” saylı hərbi hissəsinin əsgəri Məhəmməd Məmmədov 80 kq çəki dərəcəsində bütün rəqiblərinə qalib gəlib, turnirin qızıl medalına layiq görülüb.

29 dekabr 2019-cu il tarixində Fövqəladə Hallar Nazirliyinin İdman-sağlamlıq mərkəzinin rəisi polkovnik Füzuli Musayev MMQ-in əsgəri Məhəmməd Məmmədovu qəbul edərək əldə etdiyi nailiyyətə görə təbrik edib, gələcək yarışlarda müvəffəqiyyətlər arzulayıb.

Trend-in ən mühüm və maraqlı xəbərlərini "Telegram"da izləyin

Ən ucuz aviabiletlər! FHN-in taekvondo komandasının idmançıları yeni uğurlar qazanmaqda davam edir (FOTO)