Aktual mövzular: Dollar alış-satışı, Neftin qiyməti, COP29, Hava proqnozu

Heydər Əliyev Fondunun vitse-prezidenti Leyla Əliyeva Dünya Azərbaycanlılarının Həmrəylik Günü və Yeni il münasibətilə Beynəlxalq Muğam Mərkəzində konsert proqramını izləyib - FOTO

Heydər Əliyev Fondunun vitse-prezidenti Leyla Əliyeva Dünya Azərbaycanlılarının Həmrəylik Günü və Yeni il münasibətilə Beynəlxalq Muğam Mərkəzində konsert proqramını izləyib - FOTO

Tarix: 30 Dekabr 2019 07:15

Dekabrın 29-da Dünya Azərbaycanlılarının Həmrəylik Günü və Yeni il münasibətilə Beynəlxalq Muğam Mərkəzində konsert proqramı təqdim olunub.

Sonxeber.net AZƏRTAC-a istinadən bildirir ki, konserti izləyənlər arasında Heydər Əliyev Fondunun vitse-prezidenti Leyla Əliyeva da olub.

Gecədə Azərbaycanın Xalq artisti, tanınmış pianoçu Murad Hüseynov Azərbaycan və Avropa bəstəkarlarının əsərlərini ifa edib.

Tanınmış bəstəkarlar Klod Debüssinin "Ay işığı", Robert Şuman və Ferens Listin "İthaf", Moris Ravelin "Sonatina", Fredirik Şopenin "Noktürn", "Polonez", "Vals", Vasif Adıgözəlovun "Prelüdiya", Adil Bəbirovun "Prelüdiya-Skterso" əsərlərinin ifası tamaşaçılar tərəfindən maraqla qarşılanıb.

Xalq artisti Murad Hüseynov Bela Bartokun fortepiano və skripka üçün "Rumın rəqsləri" əsərini skripka ifaçısı-dirijor Cavad Tağızadə ilə birlikdə təqdim edib.

Konsert ən məşhur əsərlərdən parçaların Murad Hüseynovun, Əməkdar artist Sahib Paşazadənin (tarzən), Cavad Tağızadənin (skripka) və Seymur Həsənsoyun (akkordeon) ifası ilə başa çatıb.


Etiketlər:  Heydər Əliyev Fondunun vitse prezidenti Leyla Əliyeva Dünya Azərbaycanlılarının Həmrəylik Günü Yeni münasibətilə Beynəlxalq Muğam Mərkəzində konsert proqramını izləyib FOTO


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ