Aktual mövzular: Dollar alış-satışı, Neftin qiyməti, COP29, Hava proqnozu

“Real” Braziliyadan 18 yaşlı oyunçu alır – 35 milyona

Tarix: 5 Yanvar 2020 09:50

“Real” “Flamenqo”nun hücumameylli yarımmüdafiəçisi Reyniri qış fasiləsində transfer edəcək.

Qol.az xəbər verir ki, bu haqda “Marca” məlumat yayıb. Braziliyalının transferi 35 milyon avroya başa gələcək. Bu məbləğin 80 faizi kluba, 20 faizi isə futbolçu ilə agentinə çatacaq.

Tərəflər müqaviləni imzalamaq üçün yanvarın 19-nu gözləyir. Məhz həmin günü futbolçunun 18 yaşı tamam olur. “Real” yeniyetmə futbolçuların transferi məsələsində FİFA-nın problemi ilə üzləşməmək üçün həmin vaxta qədər gözləmək qərarı verib.

Qeyd edək ki, Reynir transfer edildikdən sonra müəyyən müddət “Real”ın ikinci komandası olan, üçüncü liqada çıxış edən “Kastilya”da oynayacaq.

Whatsapp ilə göndər