Aktual mövzular: Dollar alış-satışı, Məzənnə, Neftin qiyməti

Komandamız “İBSA Judo Grand Prix Baku 2019” yarışlarında ikinci yeri tutub (FOTO)

Tarix: 14 May 2019 23:44

Bakı. Trend:

“İBSA Judo Grand Prix Baku 2019” yarışlarının sonuncu gününə yekun vurulub.

Azərbaycan Cüdo Federasiyasında Trend-ə verilən məlumata görə, yarışların ikinci günündə müxtəlif ölkələrdən olan idmançılar 6 qızıl uğrunda mübarizə aparıblar. Ölkəmizi 9 cüdoçu təmsil edib.

Azərbaycanlı idmançı Rövşən Səfərov 90 kq çəki dərəcəsndə yarışların gümüş mükafatçısı olub.

Digər paracüdoçumuz Xanım Hüseynova isə 63 kq çəki dərəcəsində qadınların yarışında üçüncü yerə layiq görülüb.

Azərbaycan komandası yarışlarda 3 qızıl, 4 gümüş və 4 bürünc medal qazanmaqla ümumi nəticədə ikinci yerə çıxıb. Yarışların ilk yerini isə 4 qızıl və 4 bürünc medal ilə Özbəkistan komandası qazanıb.
Qadınların yarışında qızılmedalları özbəkistanlı Nafisa Şeripboeva (63kq), meksikalı idmançı Lenia Ruvalkaba Alvares (70kq) və italiyalı Karolina Kosta (+70kq) qazanıblar.

Kişilərin yarışında qızıl medalları iranlı Vahid Nuri (90kq), britaniyalı Kristofer Skelley (100kq) və özbəkistanlı Şirin Şərifov qazanıblar.