Aktual mövzular: Dollar alış-satışı, Məzənnə, Neftin qiyməti

Smartfonların ekranı üçün antimikrob örtüyü hazırlanıb

Smartfonların ekranı üçün antimikrob örtüyü hazırlanıb

Tarix: 11 Yanvar 2020 08:04

Mobil qurğular üçün qoruyucu çexolların istehsalı üzrə ixtisaslaşmış ABŞ-ın "Otterbox" şirkəti smartfonlar üçün "Amplify Glass" adlı antibakterial örtük hazırlayıb.

Milli.Az ictnews.az-a istinadən bildirir ki, tədqiqatların nəticələri onu göstərir ki, istənilən cihaz və xüsusilə mobil smartfonlar mikrob və bakteriyalar "yuvasıdır". "Otterbox" şirkəti "Corning" şirkəti ilə birgə ABŞ-ın Ətraf Mühitin Mühafizəsi Agentliyində qeydə alınmış antimikrob texnologiyasını ("Amplify Glass") hazırlayıblar.

Şirkətin baş direktoru Cim Parki izah edib ki, "Amplify Glass bağırsaq çöpü və stafilokk daxil olmaqla bir neçə geniş yayılmış bakteriya ştammının çoxalmasının qarşısını alan patentlənmiş antimikrob texnologiyasından istifadə edir. Örtük qoruyucunun səthini müdafiə edir və bakteriyaların çoxalmasına imkan vermir".

Bundan başqa, "Amplify Glass" şüşəsi standart natrium-kalsium şüşələri ilə müqayisədə cızıqlara qarşı 5 dəfə daha davamlıdır.

Milli.Az


Etiketlər:  Smartfonların ekranı üçün antimikrob örtüyü hazırlanıb


RƏYLƏR

OXŞAR XƏBƏRLƏR


BU KATEQORİYADAN DİGƏR XƏBƏRLƏR


Populyar Xəbərlər

XƏBƏR LENTİ