Afət Həsənova seçiciləri ilə görüşüb (FOTO)

Tarix: 31 Yanvar 2020 09:09

Bakı. Trend:

32 saylı Suraxanı Üçüncü seçki dairəsindən YAP-ın Milli Məclisə deputatlığa namizədi Afət Həsənovanın 30 yanvar 2020-ci il tarixdə Bülbülə qəsəbəsi, Samir Əliyev küçəsində seçicilərlə növbəti görüşü olub.

Trend-in məlumatına əsasən, görüşdə onları narahat edən müxtəlif məsələlərə aydınlıq gətirən deputatlığa namizəd Afət Həsənova qeyd edib ki, etimad göstərilsə, əksər sakinlərin qaldırdıqları kanalizasiya və yol infrastrukturu ilə bağlı problemlərin öz həllini tapması istiqamətində əlindən gələni əsirgəməyəcəyəcək.

O, həmçinin bildirib ki, rayonun qəsəbələrində olan problemləri də daim diqqətdə saxlayacaq və mütəmadi olaraq sakinlərlə görüşlər keçirərək şikayətlərini öyrənəcək və seçicilərinin etimadını doğruldacaq.

Trend-in ən mühüm və maraqlı xəbərlərini "Telegram"da izləyin