Dədə-babalarımızın sağlamlıq içkisi – Viruslara qarşı bunu içsəniz...

Tarix: 1 Fevral 2020 19:12

Bu içkiyə vitamin şərbəti deyilir. Sibir xalqları onun sayəsində bütün qışı salamat keçirirdilər.
Vitamin C ilə zəngindir, amma bir şərtlə ki, itburnu düzgün qurudulsun, düzgün dəmlənsin.
Sonxeber.net medicina.az-a istinadən immuniteti möhkəmləndirən resepti dəqiqliklə təqdim edir.

Bu içki spirt kimi təsirlidir, viruslarla mübarizə üçün immuniteti səfərbər edir.

Bunun üçün sizə təzə dərilmiş itburnu verilsə lap yaxşı, yox əgər təzə itburnu yoxdursa, onu etibarlı yerdə, yəni normal şəkildə qurudan insandan, mənbədən əldə edin. Məsələn, itburnunu yığıb, evinin talvarında yaxşıca yuyub, günlərlə nəmişlikdən qoruya-qoruya qurudan rayon sakinindən ala bilərsiniz.

Hazırlanması:

İtburnunun üzərinə su alıb, dəqiq 60 dərəcəyə çatana kimi qaynatmaq lazımdır. Əgər siz 100 dərəcə temperaturda itburnu dəmləsəz, bilin ki, rəngli sudan başqa bir şey içməyəcəksiz. Tərkibindəki bütün vitaminlər öləcək.

60 dərəcədə bir qədər qalandan sonra götürüb, qapağı bağlayıb, 1 sutka saxlayırsız.
Əgər termosda dəmləsəz, 10 saata hazır olacaq.

Ondan sonra hazırlanmış dəmləməni gündə 2 fincan olmaqla, hər dəfə yarım fincan içirsiz.

Uşaqlara yarım fincandan çox vermək olmaz.