“Qarabağ”dan ayrılan Daninin yeni klubu - Rəsmi+Yenilənib

Tarix: 3 Fevral 2020 15:48

“Qarabağ” Dani Kintana ilə yolları ayırıb.

Qol.az-ın xəbərinə görə, klubun rəsmi Feysbuk səhifəsi “Təşəkkürlər, Kintana” başlıqlı video paylaşıb. Videoda Ağdam klubunun bugünkü məşqində futbolçuların Danini atıb-tutduğu görünür.

Qeyd edək ki, ispan futbolçunun karyerasını Çində davam etdirəcəyi gözlənilir.

Xatırladaq ki, 32 yaşlı yarımmüdafiəçi 2015-ci ildən Ağdam klubunda oynayırdı.


***

"Qarabağ" rəsmi saytı vasitəsi ilə məlumat yayıb. Məlumatda deyilir ki, Dani Kintana bu gün komandada sonuncu məşqinə çıxıb. İspaniyalı yarımmüdafiəçi Çinin "Chengdu Better City" klubuna transfer olunub və bu gün tibbi yoxlanışdan keçmək üçün yeni komandasının Tailandda davam edən düşərgəsinə yollanacaq.

2015-ci ildə "Qarabağ"a transfer olunan Kintana 146 matçda meydanda olub, 42 qol və 23 məhsuldar ötürmə ilə yadda qalıb. Ağdam klubu Kintanaya göstərdiyi xidmətlərə görə təşəkkür edib və gələcək karyerasında uğurlar arzulayıb.